मुंबई : भारतीयांच्या हेरगिरीसाठी केंद्रातील मोदी सरकार इस्रायली तंत्रज्ञानाची मदत घेतली. असा गंभीर आरोप राष्ट्रवादीचे आमदार जितेंद्र आव्हाड यांनी केला आहे.
जितेंद्र आव्हाड म्हणाले की, भारतातले अनेक विचारवंत, शिक्षण तज्ञ, दलित कार्यकर्ते, मानवी हक्क कार्यकर्ते, आणि पत्रकार यांच्या फोनमधले व्हाट्सअप मेसेज मे 2019 पर्यंत, त्यांच्या नकळत वाचले जात होते, असा खळबळजनक दावा, व्हाट्सअपने इस्रायलच्या एन एस ओ समूहावर कॅलिफोर्नियात दाखल केलेल्या खटल्यामध्ये करण्यात आला आहे. यामध्ये मोदी सरकार भारतीयांवर पाळत ठेवण्यासाठी इस्रायली तंत्रज्ञानाची मदत घेत असल्याचा गंभीर आरोप आमदार आव्हाड यांनी केला आहे.
फेसबुकवर पोस्टवर काय म्हटले आव्हाड…
जितेंद्र आव्हाड यांनी आपल्या फेसबुकवर पोस्ट करत म्हटले की, डॉ. बाबासाहेब आंबेडकर यांनी संविधानाच्या माध्यमातून भारतीय नागरिकांना दिलेल्या स्वातंत्र्यावरच घाला घालण्याचा प्रयत्न मोदी सरकारने सुरू केला आहे. भारतातले अनेक विचारवंत, शिक्षणतज्ज्ञ, दलित कार्यकर्ते, मानवी हक्क कार्यकर्ते आणि पत्रकार यांच्यासह सर्वसामान्य नागरिकांच्या खासगी आयुष्यावर पाळत ठेवली जात आहे. हे पाळत ठेवण्याचे काम इस्रायलच्या एनएसओ समूहाने भारत सरकारच्या परवानगीनेच सुरू केले आहे. त्यामुळे सरकारनेच भारतीयांच्या खासगी जीवनात डोकावण्यास सुरुवात केली आहे. संविधानाने दिलेले व्यक्तिस्वातंत्र्य नष्ट करण्याचा डाव या पाताळयंत्री हुकूमशाहीने रचला आहे. ही हेरगिरी आम्ही खपवून घेणार नाही, त्याविरोधात लढा उभारू, असा इशारा आमदार आव्हाड यांनी दिला.
मुंबई : मुंबई, पुणे, ठाण्यासह प्रमुख शहरांमध्ये कांदा महागला आहे. किरकोळ बाजारात कांद्यानं साठी गाठली, त्यामुळे सर्वसामान्य लोकांच्या डोळ्यात पाणी आणलं आहे. यामुळे सर्वसामान्यांची पंचाईत झाली आहे.
मुंबई : भाजप-शिवसेनेतील सत्तास्थापनेच्या वादात काँग्रेसने उडी घेतली आहे. भाजपला सत्तेपासून दूर ठेवण्यासाठी शिवसेनेला पाठिंबा देण्याचे स्पष्ट संकेत काँग्रेसने दिले आहेत. शिवसेनेकडून पाठिंब्याबाबत प्रस्ताव आल्यास हा प्रस्ताव पक्षाध्यक्षा सोनिया गांधी यांच्याकडे घेऊन आम्ही जाऊ, असं वक्तव्य माजी मुख्यमंत्री आमदार पृथ्वीराज चव्हाण यांनी केले आहे.
मुंबई : राज्यातील जनतेने काँग्रेस पक्षावर विश्वास दाखवला आहे. जनतेचा विश्वास सार्थ करण्याची जबाबदारी आपल्यावर आहे. आपण सर्व जण मिळून जनतेच्या प्रश्नांसाठी सभागृहात आणि रस्त्यावर उतरून संघर्ष करू असे प्रतिपादन महाराष्ट्र प्रदेश काँग्रेस कमिटीचे अध्यक्ष आ. बाळासाहेब थोरात यांनी केले आहे.
मुंबई : पुढील पाच वर्षांसाठी मीच मुख्यमंत्री होणार. ५०-५० चा फॉर्म्युला वगैरे काहीही ठरलेला नाही असंही देवेंद्र फडणवीस यांनी म्हटलं होतं. या वक्तव्यावरून शिवसेना पक्ष प्रमुख उध्दव ठाकरे चांगलेच संतापले. मुख्यमंत्र्यांनी हे वक्तव्य करायला नको होतं असं बैठकीत सांगितले.
मुंबई : शिवसेना भाजपमध्ये सत्तास्थापनेवरून रस्सीखेच सुरु असताना महायुतीमधील घटक पक्ष रिपाइं,शिवसंग्राम, रासपा,रयत क्रांती संघटना या चारही घटक पक्षांना मंत्रीपद देण्यात यावं अशी मागणी रिपाइंचे अध्यक्ष केंद्रीय राज्यमंत्री रामदास आठवले यांनी आज पत्रकार परिषदेत केली.
मुंबई : आमदार एकनाथ शिंदे यांची शिवसेनेच्या विधीमंडळाच्या गटनेतेपदी निवड करण्यात आली आहे. ही निवड शिवसेना भवनात आज बैठकीत झाली. यावेळी शिवसेना पक्ष प्रमुख उध्दव ठाकरे यांच्यासह सर्व आमदार उपस्थितीत होते.
मुंबई : भाजपा शिवसेनेमध्ये सत्तासमान वाटपावरून रस्सीखेच सुरु आहे. भाजपावर दबावतंत्रासाठी शिवसेनचं शिष्ठमंडळ आज दुपारी 3:30 वाजता राज्यपाल भगत सिंह कोश्यारी यांची भेट घेणार आहे.
