Friday, March 29, 2024
Homeदेशमुस्लिमांनी ५०० वर्षे जुन्या मंदिराचा केला जिर्णोद्धार

मुस्लिमांनी ५०० वर्षे जुन्या मंदिराचा केला जिर्णोद्धार

अहमदाबाद: गुजरातमधील अहमदाबाद येथील एका मुस्लिम व्यक्तीनं ५०० वर्षे जुन्या हनुमान मंदिराचा जिर्णोद्धार करून देशात जातीय राजकारण करणाऱ्यांच्या डोळ्यांत झणझणीत अंजन घातलं आहे.

मोइन मेमन असं या व्यक्तीचं नाव आहे. त्यांनी मिर्झापूर परिसरातील ५०० वर्षे जुन्या हनुमान मंदिराचा जिर्णोद्धार केला. मंदिराची डागडुजी करण्यात यावी, अशी मागणी परिसरातील लोकांनी अनेकदा केली होती. पण त्याकडे सरकारी यंत्रणांनी पूर्णपणे दुर्लक्ष केले होते. अखेर मेमन यांनी ती मागणी पूर्ण केली. डागडुजीनंतर मंदिराचा कायापालट झाला आहे.
‘हिंदू-मुस्लिम मुद्द्यावर राजकारणी पोळी भाजतात. सर्व हिंदू-मुस्लिम एकत्र आल्यास राजकारणी काहीच करू शकणार नाहीत आणि देशात शांतता नांदेल’, असे मोइन यांनी सांगितले. दरम्यान, मोइन यांनी मंदिराचा जिर्णोद्धार करून जातीपातीचे राजकारण करणाऱ्यांना एकप्रकारे चपराकच लगावली आहे. सध्या राम मंदिरावरुन तसेच धार्मिक स्थळावरुन राजकारण चालत आहेत.

RELATED ARTICLES
- Advertisment -

Most Popular

Recent Comments