पाटणा l भाजपचे ज्येष्ठ नेते बिहारचे माजी उपमुख्यमंत्री सुशील मोदी Sushil modi यांनी राष्ट्रीय जनता दलाचे प्रमुख लालू प्रसाद यादव Lalu prasad yadav यांच्यावर मोठा आरोप केला आहे. आरजेडीचे नेते लालू प्रसाद यादव तुरुंगातून बिहार सरकार पाडण्याच्या दृष्टीने मोठे षडयंत्र रचत आहेत.
आरजेडीचे नेते माजी मुख्यमंत्री लालू प्रसाद एनडीएच्या आमदारांना बोलवून विविध प्रकारची प्रलोभनं देत आहेत. आपल्या दाव्याची पुष्टी करण्यासाठी त्यांनी एक मोबाइल नंबर सामायिक करून ट्विटही केले आहे.
Lalu Yadav making telephone call (8051216302) from Ranchi to NDA MLAs & promising ministerial berths. When I telephoned, Lalu directly picked up.I said don’t do these dirty tricks from jail, you will not succeed. @News18Bihar @ABPNews @ANI @ZeeBiharNews
— Sushil Kumar Modi (@SushilModi) November 24, 2020
सुशील मोदी यांनी ट्विट केले की, “लालू रांचीतील एनडीएच्या आमदारांना दूरध्वनी करत आहेत आणि मंत्रिपदासाठी प्रलोभनं दाखवत आहेत. जेव्हा मी 8596XXXXX या नंबर कॉल केला तेव्हा फोन थेट लालूंनी उचलला.
मी म्हणालो तुरुंगातून असे घाणेरडे खेळ खेळू नकोस, तुला यश मिळणार नाही.” काही दिवसांपूर्वी एनडीएला पूर्ण बहुमत मिळाल्यानंतर राज्यात नितीशकुमार यांच्या नेतृत्वात नवीन सरकार स्थापन झाले.
हेही वाचा l मराठी माणूस तुमच्या छाताडावर पाय ठेवून उभा राहील;संजय राऊतांचा भाजपला इशारा
भाजप सतत लालूप्रसाद यादव यांच्यावर आरोप करीत आहे. रुग्णालयात आजारपणाच्या नावाखाली ते याचा सतत फायदा घेत असल्याचा त्यांचा आरोप आहे. भाजपने निवडणुकीदरम्यान सांगितले की, निवडणुकीच्या अगदी आधी लालू यादव यांना रिम्सच्या वेतन प्रभागातून रिम्स संचालकांच्या रिक्त केलेल्या बंगल्यात हलविण्यात आले. नंतर हा बंगला आरजेडी कार्यालय म्हणून कार्यरत होऊ लागला, असा भाजपचा आरोप आहे.
या महिन्याच्या १० तारखेला राज्य विधानसभेचा निकाल जाहीर झाला. राज्य विधानसभेत एनडीएकडे १२५ जागा आहेत, तर महागठबंधनाकडे ११० जागा आहेत. एनडीएमधील सर्वात मोठा पक्ष म्हणून भाजपाचा उदय झाला आहे, तर लालू यादव यांचा राजद महायुतीत सर्वात मोठा पक्ष म्हणून उदयास आला आहे.
