Thursday, March 28, 2024
Homeदेशआता… मेरठमध्ये आंबेडकरांची मूर्ती तोडली!

आता… मेरठमध्ये आंबेडकरांची मूर्ती तोडली!

मेरठ: आधी रशियन क्रांतीचा प्रणेता व्लादिमीर लेनिन, नंतर थोर द्रविडी विचारवंत पेरियार रामास्वामी नायकर, त्यानंतर जनसंघाचे नेते श्यामा प्रसाद मुखर्जी आणि आता भारत रत्न डॉ. बाबासाहेब आंबेडकर यांच्या मूर्तीची तोडफोड करण्यात आली आहे. मेरठ येथे ही घटना घडली असून या घटनेमुळे मेरठमध्ये तणाव निर्माण झाला आहे.

मेरठच्या मदाना ठाणे परिसरात डॉ. बाबासाहेब आंबेडकरांच्या मूर्तीची तोडफोड करण्यात आल्याचं आढळून आलं. काही समाजकंटकांनी मंगळवारी रात्रीच मूर्तीची तोडफोड केल्याची शक्यता वर्तविण्यात येत आहे. आंबेडकरांची मूर्ती तोडण्यात आल्याचं समजताच स्थानिकांनी जोरदार निदर्शने करत रास्ता रोको केला. त्यामुळे वाहतुकीची प्रचंड कोंडी झाली. दरम्यान, या घटनेची माहिती मिळताच पोलिसांनी घटनास्थळी धाव घेऊन आंदोलकांना शांत करत परिस्थितीवर नियंत्रण आणले. आंदोलन आणखी चिघळू नये म्हणून तिथे आंबेडकरांची नवीन मूर्ती बसविण्यात आली असून पोलीस आरोपींचा शोध घेत आहेत.

RELATED ARTICLES
- Advertisment -

Most Popular

Recent Comments