भारताच्या जी-२० अध्यक्षतेअंतर्गत तीन दिवसीय सिव्हिल-२० इंडिया २०२३ इनसेप्शन कॉन्फरन्स सोमवारपासून महाराष्ट्रातील नागपुरात होणार आहे. या परिषदेसाठी जी-२० देशांतील नागरी समाजाचे प्रतिनिधी रविवारी नागपुरात दाखल झाले.
नागपूर विमानतळावर महाराष्ट्रीयन परंपरेने प्रतिनिधींचे स्वागत करण्यात आले. संमेलनासाठी नागपूर शहर सजावटीच्या दिव्यांनी सजले आहे.
या परिषदेत जी-२० देश आणि इतर देशांतील नागरी समाजाचे सुमारे २५० प्रतिनिधी सहभागी होणार आहेत.
सी-२० भारत हा जी-२० चा एक अधिकृत प्रतिबद्धता गट आहे जो जगभरातील नागरी समाज संस्थांना जी-२० मधील जागतिक नेत्यांसमोर लोकांच्या आकांक्षा ठळक करण्यासाठी एक व्यासपीठ प्रदान करतो.
जी-२० मध्ये अर्जेंटिना, ऑस्ट्रेलिया, ब्राझील, कॅनडा, चीन, फ्रान्स, जर्मनी, भारत, इंडोनेशिया, इटली, जपान, कोरिया प्रजासत्ताक, मेक्सिको, रशिया, सौदी अरेबिया, दक्षिण आफ्रिका, तुर्की, यूके, अमेरिका आणि युरोपियन युनियन या देशांचा आणि राष्ट्रसमूहांचा समावेश आहे.
Web Title: C-20 India Conference starts from today in Nagpur