पंतप्रधान नरेंद्र मोदी यांनी १९ जानेवारी रोजी मास ट्रान्झिट कॉरिडॉरचा दुसरा टप्पा सुरू केल्यापासून १० लाखाहून अधिक प्रवाशांनी प्रदूषणरहित मेट्रो मार्ग २ अ (Metro line 2A) आणि मेट्रो मार्ग ७ (Metro line 7) चा वापर केला आहे, असे प्रादेशिक नियोजन संस्था एमएमआरडीए (MMRDA) ने शनिवारी सांगितले.
२ एप्रिल २०२२ रोजी पहिला टप्पा कार्यान्वित झाल्यानंतर यलो आणि रेड लाईन्सवरील रायडरशिपने १ कोटींचा टप्पा ओलांडला आहे, असे मुंबई महानगर प्रदेश विकास प्राधिकरणाने (MMRDA) प्रसिद्धीपत्रकात म्हटले आहे.
“आता मेट्रो हे केवळ वाहतुकीचे साधन राहिले नसून ती एक नवीन जीवनरेखा बनत आहे,” असे एमएमआरडीएचे मेट्रोपॉलिटन कमिशनर एसव्हीआर श्रीनिवास म्हणाले, ते पुढे म्हणाले की लोक आता खाजगी वाहनांमधून पर्यावरणपूरक वाहतुकीकडे वळत आहेत.
१८.६ किमी चा मेट्रो मार्ग २ अ दहिसर (पूर्व) डि एन नगर (पिवळी रेषा) शी जोडतो, तर मेट्रो मार्ग ७ (लाल रेषा) अंधेरी (पूर्व) ला दहिसर (पूर्व) शी जोडते. एकूण २२ गाड्या २ अ आणि ७ मार्गांवर दररोज २४५ वेळा सेवा देतात, असे एमएमआरडीएने सांगितले.
या मार्गांमुळे दहिसर आणि अंधेरी दरम्यान प्रवासाचा वेळ कमी होण्याची अपेक्षा आहे “आजपर्यंत जवळपास १,००,०३,२७० प्रवाशांनी प्रवास केला आहे,” एमएमआरडीएने म्हटले आहे.
२ अ आणि ७ च्या दुसऱ्या टप्प्याच्या उद्घाटनानंतर, दोन्ही मार्ग आता पूर्णपणे कार्यरत आहेत आणि घाटकोपर-अंधेरी-वर्सोवा लाईन १ शी जोडले गेले आहेत, ज्यामुळे मुंबई महानगर प्रदेशात पहिले मेट्रो नेटवर्क तयार झाले आहे, असे प्राधिकरणाने सांगितले.
गेल्या एका आठवड्यात २०,००० हून अधिक मुंबई १ कार्ड जारी करण्यात आल्याचेही नियोजन मंडळाने म्हटले आहे. हे कार्ड, प्रवाशांना शहरातील ट्रेन आणि बेस्ट बसेसमध्ये अखंडपणे गतिशीलता येण्यास मदत करते.
एमएमआरडीएनुसार, ७५,००० हून अधिक वापरकर्त्यांनी मुंबई १ मोबाईल अँप डाउनलोड केले आहे.
Web Title: Mumbai: Ridership on Metro lines 2A and 7 touched 10 lakh since launch of second phase, says MMRDA
