मुंबई : शिवसेना – भाजपाच्या सत्तासंघर्षात काँग्रेसने उडी घेतली आहे. शिवसेनेने प्रस्ताव दिला तर विचार करू असे विधान काँग्रेस नेत्यांनी केले होते. त्यामुळे काँग्रेसचे माजी खासदार संजय निरुपम काँग्रेस नेत्यांनर संतापले आहेत. शिवसेनेची साथ देण्याविषयीचं वक्तव्य करणाऱ्यांना, ‘तुमचं डोकं ठिकाणावर आहे का?’, असा थेट सवाल निरूपम यांनी केला आहे.
काही दिवसांपूर्वीच केलेल्या एका ट्विटचा संदर्भ देत निरुपम यांनी आणखी एक ट्विट केलं, ज्यामध्ये त्यांनी हा प्रश्न उपस्थित केला. मी पुन्हा हेच सांगू इच्छितो की, काँग्रेसने शिवसेना- भाजपच्या या नाटकात हस्तक्षेप करु नये. सत्तास्थापनेत्या बाबतीत स्वत:चा वाटा मिळवत सर्वांचं लक्ष वेधण्यासाठी हा त्यांचा क्षणिक वाद आहे. ते पुन्हा एकत्र येतील आणि आपल्याला निशाण्यावर घेतील’, असं त्यांनी ट्विटमध्ये लिहिलं.
शिवसेना- भाजप युतीमध्ये सत्तेच्या मुद्यावरुन सुरु असणारा सध्याचा वाद आणि त्यातच काही काँग्रेस नेत्यांकडून शिवसेनेला पाठींबा दिलं जाण्याचं वक्तव्य, दिल्लीत होणाऱ्या पक्षश्रेष्ठींच्या बैठका या साऱ्याच्या पार्श्वभूमीवर निरुपम यांनी काँग्रेस नेत्यांपुढे थेट प्रश्न मांडला आहे. ‘शिवसेनेला पाठिंबा देण्यासाठी काही काँग्रेस नेते पुढे येतातच कसे? त्यांचं डोकं तर ठिकाणावर आहे ना?’, असा सवाल त्यांनी केला.
दरम्यान, एकिकडे निरुप यांनी हे ट्विट केलेलं असतानाच दुसरीकडे शिवसेनेचे खासदार संजय राऊत यांनी मुंबईत एक पत्रकार परिषद घेत भाजपला इशारा दिला. शुक्रवारी घेण्यात आलेल्या या पत्रकार परिषदेत, भाजपने एकट्याने सत्तास्थापनेचं धाडस करु नये असा इशारा दिला.
