Thursday, March 28, 2024
Homeमहाराष्ट्रमुंबईराष्ट्रवादीचे माजी आमदार धनराज महाले यांची शिवसेनेत घरवापसी

राष्ट्रवादीचे माजी आमदार धनराज महाले यांची शिवसेनेत घरवापसी

मुंबई: लोकसभा निवडणुकीतील भाजपच्या दिग्विजयानंतर महाराष्ट्रातील विरोध पक्षांना लागलेली गळती अजूनही सुरूच आहे. राष्ट्रवादी काँग्रेसला याचा सर्वात मोठा फटका बसला आहे. मुंबई व पश्चिम महाराष्ट्रातील राष्ट्रवादीचे काही आमदार व नेत्यांनंतर आता दिंडोरीचे माजी आमदार धनराज महाले यांनी पक्षाला सोडचिठ्ठी दिली आहे. महाले यांनी शिवसेनेत प्रवेश केला आहे.

महाले हे नाशिक जिल्ह्यातील दिंडोरीचे माजी आमदार आहेत. राष्ट्रवादी काँग्रेसच्या तिकिटावर पुन्हा निवडून येण्याची शाश्वती नसल्यानं त्यांनी पक्षांतर केले. युतीच्या जागावाटपात ही जागा शिवसेनेकडे आहे. त्यामुळं महाले यांनी शिवसेनेत प्रवेश करण्याचा निर्णय घेतला आहे. महाले पूर्वी सेनेतच असल्याने त्यांची घरवापसी केली आहे.

शिवसेनेचे पक्षप्रमुख उद्धव ठाकरे यांच्या ‘मातोश्री’ निवासस्थानी महाले यांनी आज शिवसेनेत प्रवेश केला. उद्धव यांनी शिवबंधन बांधून त्यांचं पक्षात स्वागत केलं. त्यांच्यासोबत नाशिकचे माजी खासदार कचरूभाऊ राऊत यांचे पुत्र दिलीप व दिंडोरीतील राष्ट्रवादीचे काही पदाधिकारी देखील होते. महाले यांना आगामी विधानसभा निवडणुकीत शिवसेनेची उमेदवारी मिळण्याची शक्यता वर्तवली जात आहे.

RELATED ARTICLES
- Advertisment -

Most Popular

Recent Comments