मुंबई : एका अज्ञाताने आपल्या दोन साथीदारांसह पत्नीवर बलात्कार केल्याच्या आरोपाखाली 25 वर्षीय व्यक्तीला अटक करण्यात आली आहे. मुख्य आरोपी हा पालघर जिल्ह्यातील रहिवासी ऑटोरिक्षा चालक आहे, तर त्याचे दोन साथीदार फार्मा कंपनीचे कर्मचारी आहेत अशी माहिती पालघर पोलिसांनी रविवारी दिली.
सिनेमा दाखवण्याचे कारण सांगून त्या व्यक्तीने आपल्या 23 वर्षीय पत्नीला जोगेश्वरी येथे आणले. त्यानंतर तो तिला जोगेश्वरीतील एका अनोखळी ठिकाणी घेऊन गेला, जिथे त्याचे मित्र अभिषेक आणि मंगेश यादव आधीच उपस्थित होते. त्याने दोघांना आपल्या पत्नीवर बलात्कार करण्यास सांगितले आणि त्यानेही तिच्यावर लैंगिक अत्याचार केले. महिलेने पालघर पोलिस स्टेशनमध्ये तक्रार नोंदवली, त्यांनी हे प्रकरण जोगेश्वरी पोलिसांकडे वर्ग केले आहे.
गेल्या वर्षी नोव्हेंबरमध्ये ही घटना घडली असताना या महिलेने जानेवारी महिन्यात पालघर पोलिसांकडे तक्रार दाखल केली, अशी माहिती पोलिसांनी दिली.
झोन ‘एक्स’चे पोलिस उपायुक्त अंकित गोयल यांनी न्यूज एजन्सी (PTI)ला सांगितले की, तिघांना शनिवारी भारतीय दंड संहितेच्या कलम 376-D (सामूहिक बलात्कार) अंतर्गत अटक करण्यात आली आहे आणि कोर्टाने त्यांना पोलिस कोठडी सुनावण्यात आली आहे.
