सोलापूर : भाजप प्रदेशाध्यक्ष चंद्रकांत पाटील यांच्या खुर्चीचा पाय तुटल्याने त्यांचा तोल गेला. आज बुधवारी (१२ फेब्रुवारी) सोलापूर येथील शासकीय विश्रामगृहात चंद्राकांत पाटील यांची पत्रकार परिषद आयोजित करण्यात आली होती. यावेळी ही घटना घडली. सध्या या घटनेचा व्हिडीओ सर्वत्र व्हायरल झाला आहे.
जिल्हाध्यक्ष पवारांनी दिला चंद्रकांत पाटलांना आधार…
सोलापूर येथील पत्रकार परिषदेत चंद्रकांत पाटील हे पत्रकारांच्या अनेक प्रश्नांची उत्तरं देत होते. यावेळी माजी मुख्यमंत्री देवेंद्र फडणवीस यांच्या संदर्भातील प्रश्न विचारण्यात आला. फडणवीस केंद्रीय मंत्रीपदाचा कारभार स्वीकारणार आहेत अशी चर्चा सुरु आहे, यावर उत्तर देत असताना अचानक त्यांच्या खुर्चीचा पाय तुटला. त्यामुळे त्यांचा तोल गेला. यावेळी बाजूला उभे असललेले जिल्हाध्यक्ष शहाजी पवार यांनी पाटील यांना आधार दिला. या घटनेमुळे सार्वजनिक बांधकाम विभागाचा भोंगळ कारभार समोर आला आहे.
#Solapur #ChandrakantPatil@BJP4Maharashtra प्रदेशाध्यक्ष @ChDadaPatil #खुर्ची तुटल्याने पडता पडता वाचले… सोलापूर #शासकीय विश्रामगृहात #पत्रकार परिषदेवेळी घडला प्रकार… pic.twitter.com/ETpQi6cCDN
— Harshal Jadhav (@harshal_rj) February 12, 2020
“राज्यात गोंधळलेले सरकार आहे. राज्यात महिला अत्याचाराच्या घटना वाढल्या आहेत. भरदिवसा महिलेला जाळलं जात आहे. आधीच्या सरकारमध्ये शिक्षा होण्याचे प्रमाण वाढले होते”, असं चंद्रकांत पाटील यांनी पत्रकार परिषदेत सांगितले.
“आपणच निवडणूक जिंकलो अशा आविर्भावात शरद पवार आणि त्यांचे पुतणे प्रतिक्रिया देत आहेत. दिल्लीत यांच्या पक्षाला शून्य मतं आहेत. शेजारच्या मुलाला झाला म्हणून पेढे वाटण्यासारखं काम हे करत आहेत”, अशी टीकाही चंद्रकांत पाटील यांनी केली.
 सोलापूर येथील शासकीय विश्रामगृहात चंद्राकांत पाटील यांची पत्रकार परिषद आयोजित करण्यात आली होती. यावेळी ही घटना घडली. सध्या या घटनेचा व्हिडीओ सर्वत्र व्हायरल झाला आहे.){kind=link}