गोव्यात रंगलेला इफ्फी संपला. यावेळचा इफ्फी वादविवादांमुळे चांगलाच गाजला. आणि शेवटच्या दिवशी एक वेगळंच नाट्य रंगलं. ते नाट्य रंगलं अमिताभ बच्चन आणि अक्षय कुमारमुळे.बिग बींनी ट्विट करून अक्कीला म्हटलंय, खूप ओशाळवाणं वाटलं मला. नाही अक्षय, असं होता कामा नये.
दचकलात ना? असं नक्की काय घडलं? झालं असं की या फेस्टिवलमध्ये अमिताभ बच्चनना इंडियन फिल्म पर्सनालिटी ऑफ द इयर पुरस्कारानं सन्मानित केलं. त्यावेळी स्टेजवर स्मृती इराणी आणि अक्षय कुमार यांच्या हस्ते बिग बींना अॅवार्ड दिलं गेलं. अक्षयनं बिग बींच्या पायांना हात लावून नमस्कार केला. ते अर्थातच विनम्र अमिताभना कसं रुचेल? म्हणून त्यांनी भावुक होऊन ट्विट केलं.
embarrassed that Akshay does this .. no Akshay this is not done https://t.co/ySIylzttXJ
— Amitabh Bachchan (@SrBachchan) November 28, 2017
अक्षयनंही बिग बींच्या सन्मानार्थ छान ट्विट केलंय.
America has Batman, Spider-Man, Superman…but India and my superhero is our very own Angry Young Man, @SrBachchan Sir, rightly the Indian Personality of the Year ! #IFFI2017 pic.twitter.com/g1y4rvUQtx
— Akshay Kumar (@akshaykumar) November 28, 2017
इफ्फीला अनेक रथी महारथी उपस्थित होते. अमिताभ बच्चन यांनी या सोहळ्याचं खूप कौतुक केलंय.