मुंबई : चोरीचा मामला या चित्रपटाचा ट्रेलर सोशल मीडियाद्वारे प्रदर्शित करण्यात आला. हा चित्रपट ३१ जानेवारीला प्रदर्शित होत आहे. यामध्ये एका चोरीमुळे होणारी गुंतागुंत दाखवण्यात आली आहे.
एका चोरीमुळे होणारी गुंतागुंत या चित्रपटात दाखवण्यात आली आहे. जितेंद्र जोशी, मंगेश कांगणे, जय अत्रे यांनी चित्रपटाची गाणी लिहिली असून चित्रपटाचे संगीत चिनार महेश यांचे आहे. चित्रपटाचे शीर्षक गीत प्रफुल्ल-स्वप्नील यांचे आहे. शाल्मली खोलगडे, प्रियांका बर्वे, चिनार खारकर, स्वप्नील गोडबोले, कविता यांनी चित्रपटातील गाणी गायली आहेत.
एव्हरेस्ट एण्टरटेनमेन्ट प्रस्तुत आणि स्वरुप स्टुडिओजच्या सहकार्याने सुधाकर ओमाळे, आकाश पेंढारकर, सचिन नारकर, विकास पवार, स्मिता ओमाळे यांनी चित्रपटाची निर्मिती केली आहे. प्रियदर्शन जाधवनं या चित्रपटाचं लेखन आणि दिग्दर्शन केलं आहे. अभिनेत्री अमृता खानविलकर, जितेंद्र जोशी, हेमंत ढोमे, कीर्ती पेंढारकर, अनिकेत विश्वासराव आणि क्षिती जोग अशी स्टारकास्ट या चित्रपटात आहे.