प्रियांका चोप्राचा कमबॅक चित्रपट म्हणून चर्चेत असलेला ‘द स्काय इज पिंक’ चित्रपटाचा ट्रेलर प्रदर्शित झाला आहे. प्रियांका चोप्रा, फरहान अख्तर, झायरा वसीम, रोहित शरफ यांच्या प्रमुख भूमिका आहेत. आई-वडिलांच्या लव्ह-स्टोरीत स्वतःला खलनायक समजणाऱ्या मुलीची कथा ट्रेलरमध्ये पाहायला मिळते.
टोरंटो आंतरराष्ट्रीय चित्रपट महोत्सवामध्ये चित्रपटाची कथा फरहान- प्रियांकाबरोबरच झायरा वसीमच्या भोवती फिरते. झायरा, फरहान आणि प्रियांका चोप्राच्या मुलीची भूमिका साकारत आहे. ती तिच्या आई-वडिलांच्या आयुष्यात घडणाऱ्या वाईट गोष्टींसाठी स्वतःला दोषी ठरवत असते. झायराला एक गंभीर आजार बळावतो आणि तीला बरं करण्यासाठी दोघांचा संघर्ष चित्रपटात दाखवला आहे. मोटिव्हेशनल स्पीकर आयशा चौधरी यांच्या जीवनावर आधारित हा चित्रपट आहे. आयशा चौधरी पल्मनरी फायबरोसिस या आजारानं त्रस्त होत्या.
या चित्रपटाकडं जसं प्रियांकाचा कमबॅक म्हणून पाहिलं जातं. तसंच, झायरा वसीमचा शेवटचा चित्रपट म्हणूनही या चित्रपटाची चर्चा आहे. झायरा वसीमने बॉलिवूडला अलविदा करण्याचा निर्णय घेतला आहे. त्यामुळं ती चित्रपटाचं प्रमोशन तरी करणार का? हे अजूनही गुलदस्त्यात आहे.
पहा इथे ट्रेलर
