काँग्रेसच्या नवर्निवाचीत आमदारांची बैठक आज मुंबईत होत आहे. या बैठकीत काँग्रेसचा विधिमंडळ पक्षाचा नेता कोण यावर चर्चा होणार आहे. तर शिवसेनेला सत्ता स्थापण्यासाठी पाठिंब्याबाबत खलबते होणार आहे.
राज्यात सत्तासंघर्षावरून सध्या भाजप शिवसेना या दोन्ही पक्षांमधून वाद सुरु आहे. शिवसेनेने सत्ता स्थापन करण्यासाठी प्रस्ताव दिला तर विचार करु असे काँग्रेसच्या नेत्यांनी यापूर्वीच जाहीर केले आहे. त्यामुळे आजच्या बैठकीत त्या बाबतही चर्चा होण्याची शक्यता आहे. तर दुसरीकडे काँग्रेसच्या बैठकीत विधिमंडळ पक्षाच्या नेत्याची चर्चा होणार आहे. यामध्ये काँग्रेस पक्षाचे प्रदेशाध्यक्ष बाळासाहेब थोरात, विजय वडेट्टीवार आणि नाना पटोले यांच्या नावांची चर्चा आहे. मात्र, काँग्रेसच्या विधिमंडळ पक्षाच्या नेतेपदी कोण विराजमान होणार याचा अंतिम निर्णय दिल्लीत होणार आहे.
शिवसेनेने स्वबळावर सत्ता स्थापन करण्याचा निर्णय घेतला तर त्यांना काँग्रेस राष्ट्रवादी काँग्रेस हे बाहेरून पाठिंबा देऊ शकतात. त्यामुळे काँग्रेसच्या आजच्या बैठकीला विशेष महत्व प्राप्त झाले आहेत.