नवी दिल्ली : भारतीय जनता पार्टीने दिल्ली विधानसभेसाठी ७० मतदारसंघापैकी ५७ उमेदवारांची यादी जाहीर केली आहे. मात्र १३ उमेदवारांचे नाव जाहीर करण्यासाठी अद्यापही एकमत न झाल्यामुळे सस्पेन्स कायम आहे.
दिल्ली विधानसभेसाठी ८ फेब्रुवारीला मतदान होणार आहे. त्यासाठी दिल्ली विधानसभा जिंकण्यासाठी आम आदमी पार्टी, काँग्रेस आणि भाजपने सर्व शक्तीपणाला लावली आहे. विशेष म्हणजे काँग्रेसने ६६ जागा जाहीर केल्या आहेत. तर आम आदमी पार्टीने सर्व ७० जागांवर उमेदवार जाहीर केले आहेत. काँग्रेस आणि राजद युती करणार आहेत. सर्व पक्षांचा जोरदार प्रचार सुरु आहे. त्यामुळे दिल्लीत जनता पुन्हा आम आदमी पार्टीला संधी देणार की परिवर्तन करणार याकडे सर्वांचे लक्ष लागले आहे.
दिल्ली विधानसभा चुनाव-2020 के लिए भाजपा के 57 उम्‍मीदवार घोषित, सभी को हार्दिक बधाई एवं शुभकामनाएं..#BJPWinningDelhi pic.twitter.com/E0adDaf47s
— BJP Delhi (@BJP4Delhi) January 17, 2020
दिल्ली भाजप अध्यक्ष मनोज तिवारींनी ५७ उमेदवारांची यादी जाहीर केली आहे. विशेष म्हणजे पंतप्रधान नरेंद्र मोदी, पक्षाचे अध्यक्ष नरेंद्र मोदी यांच्या सहमतीने उमेदवारांची नावं निश्चित करण्यात आली आहे. असं तिवारींनी माध्यमांना सांगितलं.
