नागपूर : शिवसेना भगवा रंग भासवत असून ती आता काँग्रेसच्या रंगात रंगली आहे. अशी घणाघाती टीका भाजपचे ज्येष्ठ नेते केंद्रीय मंत्री नितीन गडकरी यांनी शिवसेनेवर केली आहे. नागपूर जिल्हा परिषद निवडणुकीससाठी प्रचारसभेत गडकरींनी महाराष्ट्र विकास आघाडी सरकारचा चांगलाच समाचार घेतला.
शिवसेनेने विधानसभा निकालानंतर भाजपने सत्तेचा वाटा दिला नाही म्हणून भाजपापासून फारकत घेतली होती. त्यामुळे भाजपची मंडळी शिवसेनेला डिवचण्याची एकही संधी सोडत नाही. नागपूर जिल्हा परिषद निवडणुकीच्या प्रचाराच्या वेळी बोलताना गडकरी म्हणाले, शिवसेनेने त्यांच्या विचारधारेशी प्रतारणा केली. मुख्यमंत्रीपदासाठी त्यांनी ही भूमिका घेतली.
Union Minister Nitin Gadkari in Nagpur: Shiv Sena compromised with its ideology for chief minister post, Congress, NCP & Shiv Sena have come together solely for power. Shiv Sena only pretends to be bhagwa but in reality it is now coloured in Congress’ colours. #Maharashtra pic.twitter.com/kdoK59sCHz
— ANI (@ANI) January 3, 2020
सत्तेसाठी काँग्रेस, राष्ट्रवादी काँग्रेससोबत गेले. शिवसेनेने भगव रंग असल्याचे भासवले. मात्र प्रत्यक्षात ती आता काँग्रेसच्या रंगात रंगली असाही आरोप गडकरी यांनी केला आहे. गडकरींच्या या विधानाचा शिवसेना कसा समाचार घेणार याकडे सर्वांचे लक्ष लागले आहे.
