खरवस प्रोटीन व कॅलरीयुक्त खरवस हा पोष्टीक पदार्थ उष्ण असल्यामुळे थंडीच्या दिवसात खाणे चांगले असते.
जिन्नस
- १ लिटर चीक (खरवसाचे दूध)
- १ कप दूध
- ३०० ग्रॅम गूळ
- १०० ग्रॅम साखर
- वेलची किंवा जायफळाची पूड
पाककृती
चीकाचे दूध घेऊन त्यात बारीक केलेला गूळ व साखर चांगले ढवळावे. त्यात १ कपभर दूध घालून गाळावे.
मग त्यात वेलचीची पूड किंवा अर्धे जायफळ किसून घालावे.
कुकरच्या २ भांड्यात सारखे घालावे.१५-२० मिनिटे शिटी न लावता वाफेवर ठेवावे. थंड झाल्यावर वड्या पाडाव्यात.
खरवस उष्ण असल्यामुळे थंडीच्या दिवसात खाण्यास उत्तम.
