पाटणा: चारा घोटाळ्यातील चौथ्या प्रकरणात दोषी आढळलेल्या लालू प्रसाद यादव यांना भेटल्यानंतर भाजप खासदार शत्रुघ्न सिन्हा यांनी काल राबडी देवी यांची निवासस्थानी जाऊन भेट घेतली. लालू प्रसाद यादव यांना हायकोर्टातून लवकरात लवकर न्याय मिळो, अशी प्रार्थना करतो, असं ट्विटही त्यांनी या भेटीनंतर केले.
रविवारी शत्रुघ्न सिन्हा यांनी भेट दिल्यानंतर लालू प्रसाद यादव यांचे सुपुत्र तेजस्वी यादव यांनी ट्विट करून शत्रुघ्न सिन्हा यांचे आभार मानले होते. या ट्विटला उत्तर देताना सोमवारी शत्रुघ्न सिन्हा यांनी एक ट्विट केले. प्रिय तेजस्वी, ‘लालूजींच्या भेटीनंतर लगेच तुमच्यासोबत चांगली सायंकाळ व्यतीत केली’. मी प्रार्थना करतो की, तुमच्या परिवाराला हायकोर्टाच्या माध्यमातून लवकरात लवकर न्याय मिळो, असं ट्विट शत्रुघ्न सिन्हा यांनी केलं. तसेच लालू व त्यांच्या परिवाराला कायदेशीर मदत करीत असलेले काँग्रेस नेते आणि वकील अभिषेक मनु सिंघवी, कपिल सिब्बल, राम जेठमलानी, गोपाल सुब्रमण्यम यांचेही खास आभार मानले. लालू प्रसाद यादव यांना ज्यावेळी मदतीची गरज होती त्यावेळी या सर्वांनी मदत केली. त्यामुळे मी त्यांचे आभार मानतो, असं दुसरं ट्विट करीत सिन्हा यांनी या सर्वांचे आभार मानले.
Indomitable, the original Bihari Babu and stalwart of Indian Cinema & Politics Sh. @ShatruganSinha Ji came calling to show solidarity with us! He is appalled by #VendettaPolitics being meted out to fiesty @laluprasadrjd Ji! He always stands for genuine & honest friends . pic.twitter.com/2r4eN2d4TK
— Tejashwi Yadav (@yadavtejashwi) March 25, 2018
लालू प्रसाद यादव यांची भेट घेतल्यानंतर शत्रुघ्न सिन्हा म्हणाले, ‘लालू प्रसाद यादव हे जमिनीवरचे नेते आहेत. आम्ही एकाच परिवारातील सदस्यांसारखे आहोत. लालू प्रसाद यादव यांची विचारपूस करण्यासाठी आम्ही त्यांची भेट घेतली. मी ज्यावेळी त्यांना भेटलो त्यावेळी मला त्यांचा आत्मविश्वास मजबूत दिसला, असंही शत्रुघ्न सिन्हा यांनी म्हटलं होतं. शत्रुघ्न सिन्हा यांच्यासोबत काँगेस नेते आणि माजी केंद्रीय मंत्री सुबोध कांत सहाय तसेच सपाचे माजी खासदार किरणमय नंदा हेही उपस्थित होते.
Dear Tej, great Ramnavmi at at ur place with family friends (in Patna) where we had a cordial affectionate emotional reunion once again. Thank you all for the affection & warmth. Jai Bihar. https://t.co/7fO3OQlI93
— Shatrughan Sinha (@ShatruganSinha) March 26, 2018
