नवी दिल्ली : गुजरात विधानसभेच्या निवडणुकीचा उद्या निकाल जाहीर होणार असून, त्याआधीच पाटीदार समाजाचा नेता हार्दिक पटेलने EVM मशिन हॅक होण्याचा आरोप केला आहे. “अहमदाबादमधील एका कंपनीतील १४० सॉफ्टवेअर इंजिनिअर ५ हजार EVM मशिनना सोर्स कोर्डच्या माध्यमातून हॅक करण्याच्या तयारीत आहेत”, असे ट्वीट हार्दिक पटेलने केले आहे.
विसनगर,पाटन,राधनपुर,टँकारा,ऊँजा,वाव,जेतपुर,राजकोट-६८,६९,७०,लाठी-बाबरा,छोटाउदेपुर,संतरामपुर,साँवली,मांगरोल,मोरवाहड़फ,नादोद,राजपीपला,डभोई और ख़ास करके पटेल और आदिवासी इलाक़े की विधानसभा क्षेत्र में EVM सोर्स कोर्ड से हेकिंग करने का प्रयास हुवा हैं।
— Hardik Patel (@HardikPatel_) December 17, 2017
“माझ्या विधानांवर तुम्हाला हसू येऊ शकतं, मात्र विचार कुणीच करणार नाही. इश्वराने बनवलेल्या या मानवी शरीराशी जर छेडछाड होऊ शकते, तर मानवाद्वारे बनवलेल्या EVM मशिनशी छेडछाड का होऊ शकत नाही? ATM हॅक होऊ शकतात, मग EVM का नाही?”, असे सवालही हार्दिक पटेलने उपस्थित केले आहेत.
मेरी बातों पर सिर्फ़ हँसी आएगी लेकिन विचार कोई नहीं करेगा
भगवान के द्वारा बनाए गई हमारे शरीर में छेड़छाड़ हो सकती है तो मानव के द्वारा बनाई गई EVM मशीन में क्यों छेड़छाड़ नहीं हो सकती !! ATM हेक हो सकते है तो EVM क्यूँ नहीं !!!— Hardik Patel (@HardikPatel_) December 17, 2017
हार्दिक पटेलने कालही EVM हॅकिंगवरुन भाजपवर गंभीर आरोप केले होते. काल हार्दिकने दावा केला होता की, “गुजरातचा निकाल जाहीर होण्याआधी भाजप EVM मध्ये छेडछाड करेल आणि असे करुनच भाजप जिंकेल. जर EVM मध्ये छेडछाड झाली नाही, तर भाजप ८२ जागांवरच गुंडाळेल.”
अहमदाबाद की एक कंपनी के द्वारा १४० सोफ्टवेर एंजिनियर के हाथों से ५००० EVM मशीन के सोर्स कोर्ड से हेकिंग करने की तैयारी हैं।
— Hardik Patel (@HardikPatel_) December 16, 2017
यासोबतच आणखी एक आरोप हार्दिक पटेलने काल केला होता. ”गुजरातमधील भाजपच्या पराभवाचा अर्थ म्हणजे भाजपचं पतन. ईव्हीएममध्ये घोळ करुन भाजप गुजरात जिंकेल आणि हिमाचल प्रदेशात पराभूत होईल, जेणेकरुन कुणीही प्रश्न उपस्थित करणार नाही”, असंही ट्वीट हार्दिकने केलं होतं.
