मुंबई– मुंबईतील प्रसिद्ध वांद्रे-वरळी सी लिंकवरून थेट समुद्रात उडी मारून एका ३० वर्षीय व्यक्तीने आत्महत्या केल्याची घटना समोर आली आहे. आत्महत्या केलेल्या व्यक्तीची ओळख अद्याप पटलेली नाही. त्याने लघुशंकेचे कारण सांगून टॅक्सीचालकाला गाडी थांबवायला सांगितली व काही कळायच्या आतच त्याने सी लिंकवरून उडी मारून आत्महत्या केली.
मुंबई पोलिसांच्या माहितीनुसार, संबंधित व्यक्तीने हाजी अली येथून टॅक्सी पकडली व लीलावतीला जाण्यास सांगितले. या दरम्यान, वांद्रे-वरळी सी लिंकवरून टॅक्सी जात असताना त्याने चालकाला गाडी थांबवायला सांगितली. मात्र, चालकाने नकार दिला कारण तेथे गाडी थांबविल्यास पोलिस कारवाई करतात. मात्र, संबंधित व्यक्तीने मला मधुमेहाचा त्रास आहे. त्यामुळे चालकाने गाडी थांबविली.
टॅक्सी थांबताच तो व्यक्ती बाहेर आला व काही कळायच्या आतच थेट सी लिंकवरून उडी मारली. यानंतर टॅक्सीचालकाने पोलिसांना याची माहिती कळविली. पोलिस घटनास्थळी हजर झाले. त्यानंतर अग्निशमन दलाच्या मदतीने त्या व्यक्तीचा मृतदेह बाहेर काढण्यात आला. मात्र, आत्महत्या केलेल्या व्यक्तीची ओळख पटली नाही. पोलिस पुढील तपास करत आहेत.
