मुंबई : भाजपने देवेंद्र फडणवीसांचा पहाटे गुपचूप मुख्यमंत्रीपदाचा सोहळा उरकला. त्याची काँग्रेसनेते अहमद पटेल यांनी जोरदार समाचार घेतला. ना बँड.. ना बाजा.. ना.. बाराती, नसतांनाही शपथविधी सोहळा उरकला आणि बिदाई केली. असा टोला शनिवारी अहेमद पटेल यांनी पत्रकार परिषदेत लगावला.
अहमद पटेल म्हणाले, महाराष्ट्राच्या इतिहासातला आजचा काळा दिवस आहे. कुठेतरी काहीतरी चुकीचं घडलयं. यापेक्षा जास्त लज्जास्पद काही असू शकत नाही अशा शब्दात काँग्रेसचे नेते अहमद पटेल यांनी भाजपाच्या सरकार स्थापन करण्याच्या निर्णयावर टीका केली.
काँग्रेस, राष्ट्रवादी आणि शिवसेना आम्ही तिघे एकत्र आहोत. सविश्वासदर्शक ठरावाच्यावेळी आम्ही भाजपाला पराभूत करु हा मला विश्वास आहे. दोन काँग्रेस आमदार वगळता सर्व आमदार इथे उपस्थित आहेत. ते दोन आमदार त्यांच्या गावी असून ते सुद्धा आमच्यासोबतच आहेत असे अहमद पटेल म्हणाले. राजकीय आणि कायदेशीर अशा दोन्ही घाडयांवरलढाई लढणार असल्याचे अहमद पटेल यांनी सांगितले.
