मुंबई – ‘सैराट’च्या दैदीप्यमान यशानंतर आकाश ठोसर म्हणजेच आर्चीचा ‘परश्या’ ‘एफयु’ या चित्रपटात झळकला पण ‘आर्ची’ कुठेच दिसली नाही. तिने एक चित्रपट करुन मराठी इंडस्ट्रीला रामराम ठोकला की काय, अशी चिंताही तिच्या फॅन्सला वाटत होती. पण आज आम्ही त्यांच्यासाठी खुशखबर घेऊन आलो आहोत की आर्ची लवकरच आपल्यासमोर नव्या चित्रपटातून येण्याची शक्यता आहे. खुद्द आर्ची म्हणजेच रिंकूनेच असा इशारा दिला आहे.
रिंकूने घटवले वजन…
नुकत्याच समोर आलेल्या काही फोटोमध्ये जाडजूड असलेल्या रिंकूने वजन कमी केल्याचेही जाणवत आहे. रिंकूने सैराटच्या कन्नड रिमेकमध्येही काम केले होते. या चित्रपटात आर्ची चांगलीच जाडजूड दिसत होती. पण आता रिंकूने तिचे वजन कमी केले आहे. कदाचित नव्या चित्रपटांसाठी अगोदरच तयारी करत असल्याची शक्यता नाकारता येत नाही.
