अभिनेता राहुल रॉय सध्या मुंबईमधील नानावटी रुग्णालयात उपचार घेत आहे. काही दिवसांपूर्वी राहुल रॉयला आगामी चित्रपटाच्या चित्रीकरणादरम्यान ब्रेन स्ट्रोकचा झटका आला होता. त्यानंतर त्याला मुंबईमधील रुग्णालयात दाखल करण्यात आले. आता राहुल रॉयचा एका व्हिडीओ समोर आला आहे. या व्हिडीओमध्ये तो ‘मी ठिक आहे’ असे बोलताना दिसतोय.
सध्या सोशल मीडियावर व्हायरल झालेला राहुल रॉयचा व्हिडीओ रुग्णालयातील आहे. या व्हिडीओमध्ये तो ‘मी ठिक आहे’ असे बोलताना दिसत आहे. या व्हिडीओवर अनेकांनी कमेंट करत राहुल रॉयला काळजी घेण्यास सांगितले आहे.
View this post on Instagram
राहुल रॉय त्याचा आगामी चित्रपट ‘LAC- Live the Battle’च्या चित्रीकरणात व्यस्त होता. परंतु चित्रीकरणादरम्यानच त्याची अचानक तब्येत बिघडली. त्याला प्रोग्रेसिव्ह ब्रेन स्ट्रोक आल्याची माहिती समोर आली होती. सध्या त्याची प्रकृती स्थिर असून उपचारांनाही तो योग्य प्रतिसाद देत असल्याचे म्हटले जात आहे.