जयपूर : तरुणाने शेजारी राहणाऱ्या एका १४ वर्षीय तरुणीसोबत एक व्हिडिओ बनवून टिकटॉक वर अपलोड केल्या प्रकरणी तरुणाला चांगले चोपले. त्यानंतर तरुणाला निर्वस्त्र करून परेड करायला भाग पाडण्यात आले.
हा व्हिडिओ सोशल मीडियावर व्हायरल झाल्यानंतर मुलीच्या वडिलांनी युवकाला मारहाण केली आणि त्याला विवस्त्र होण्यास भाग पाडले. त्यानंतरही त्याला मारहाण केली गेली, अशी माहिती अतिरिक्त पोलीस उपायुक्त मनोज चौधरी यांनी दिली. मुलीने या युवकाविरुद्ध पोलिसांत तक्रार नोंदवली आहे.
Rajasthan: Youth paraded naked for shooting video with 14-yr-old girl in Jaipur&uploading it on TikTok. Additional DCP Manoj Choudhary says, "After video went viral, girl's father made youth take off clothes&beat him up. Girl has lodged FIR against youth under POCSO&SC/ST Acts". pic.twitter.com/wGIvHVDyDJ
— ANI (@ANI) February 10, 2020
ही घटना जयपूरमधील जवाहरनगर भागात घडली. या युवकाने एका अल्पवयीन मुलीसोबत टिकटॅक व्हिडिओ तयार केला. हा युवक आणि ही अल्पवयीन मुलगी एकमेकांचे शेजारी आहेत. हा व्हिडिओ व्हायरल झाल्यानंतर या मुलीचे कुटुंबीय संतापले. त्यानंतर या मुलीच्या वडिलांनी आणि त्यांच्या भावांनी इतर काही लोकांना सोबत घेतले आणि त्या युवकाला मारहाण केली. त्यानंतर त्याला निर्वस्त्र करण्यात आले.
युवकाविरुद्ध पोक्सो आणि अॅट्रॉसिटी अॅक्टअंतर्गत गुन्हा दाखल…
या युवकाचे कपडे काढून टाकल्यानंतर त्याला त्याच अवस्थेत त्याला परिसरात फिरवले गेले. इतकेच नाही, तर त्याला फिरवत असताना त्याला पट्ट्याने मारहाणही करण्यात येत होती. या संपूर्ण घटनेचा व्हिडिओही चित्रित करण्यात आला आहे. हा व्हिडिओही सोशल मीडियावर व्हायरल झाला आहे. यानंतर पीडित युवकाच्या नातेवाईकांनी मारहाण, तसेच विवस्त्र केल्या प्रकरणी पोलिसात तक्रार दाखल केली आहे. तर, मुलीच्या कुटुंबीयांनी या युवकाविरुद्ध पोक्सो आणि अॅट्रॉसिटी अॅक्टअंतर्गत गुन्हा दाखल केला आहे.
